நாட்கள் - நாள்கள் எது சரியான சொல்
தமிழ் புணர்ச்சி விதிப்படி
நாள் + காட்டி = நாட்காட்டி
நாள் + குறிப்பு = நாட்குறிப்பு
என்பது சரிதான்.
ஆனால் இங்கு நாள்+ கள் என்பது நாட்கள் என
மாறினால் பொருள் மாறுபடும் ஏனென்றால், இதில் வரும் “கள்” ஆனது பன்மையைக்
குறிக்கும் விகுதி, அது ஒரு போதும் முன்னால் உள்ள சொல்லுடன் சேர்ந்து புணராது.
எ- கா :
பறவை – பன்மையில் பறவைகள்
ஆடு – பன்மையில் ஆடுகள்
எனவே ஒன்றுக்கு மேற்பட்ட நாளினை பன்மையில் நாள்
+ கள் = நாள்கள் என்றுதான் பயன்படுத்த வேண்டும்.
அது நாட்’கள்’ என புணர்ந்தால் அதன் பொருளானது
பன்மையைக் கொடுக்கும் விகுதியை குறிக்காது, அந்த ‘கள்’ குடிக்கின்ற பானம் கள் என பொருள்படும்
அதாவது நாட்கள் = நாட்பட்ட + கள் என
பொருள் ஆகும். ஆகவே நாள்கள் என்பதே சரியான சொல் பயன்பாடு ஆகும்.
-கவிஞர் செந்தமிழ்தாசன்
No comments